ភ្នំពេញ៖
នៅព្រឹកថ្ងៃទី ២៧ មេសា និស្សិតសិក្សានៅមហាវិទ្យាល័យព័ត៌មាន និងគមនាគមន៍ នៃសាកលវិទ្យាល័យកម្ពុជា
បានធ្វើដំណើរទស្សនកិច្ចទៅកាន់ស្ថានីយទូរទស្សន៍ PNN ដើម្បីស្វែងយល់ពីដំណើរការផលិតព័ត៌មាន
និងដំណើរការនៃការចាក់ផ្សាយកម្មវិធីផ្សេងៗ។ និស្សិតប្រព័ន្ធផ្សព្វផ្សាយនៃសាកលវិទ្យាល័យកម្ពុជា
៣ជំនាន់ ដែលមានចំនួន ៤០ នាក់
បានទទួលចំណេះដឹងបន្ថែមពីដំណើរទស្សនកិច្ចនេះផងដែរ។
ដំណើរទស្សនកិច្ចដែលដឹកនាំដោយលោក
ប៊ុន សុផល ព្រឹទ្ធបុរសរងនៃមហាវិទ្យាល័យព័ត៌មាន និងគមនាគមន៍ មានការទទួល
និងណែនាំដោយលោក ប៉ែន បូណា និពន្ធនាយកផ្នែកព័ត៌មាននៃស្ថានីយទូរទស្សន៍ PNN។ ក្នុងដំណើរទស្សនកិច្ចពេញមួយព្រឹកនេះ និស្សិតទាំង ៣ជំនាន់ បានស្វែងយល់ពីចង្វាក់ផលិតកម្មនានា
ជាពិសេសបានទស្សនាបន្ទប់ផ្សាយផ្ទាល់ព័ត៌មាន ឆាកប្រគំតន្រ្តី រួមទាំងបន្ទប់កំណត់ការចាក់ផ្សាយ
និងកន្លែងសំខាន់ៗជាច្រើនកន្លែងថែមទៀតផង។
លោក ប៉ែន បូណា និពន្ធនាយកផ្នែកព័ត៌មាន
បានចំណាយពេលពេញមួយព្រឹក ក្នុងការណែនាំ
និងធ្វើបទបង្ហាញដល់និស្សិតប្រព័ន្ធផ្សព្វផ្សាយនៃសាកលវិទ្យាល័យកម្ពុជា
ទាំង៣ជំនាន់ ពីដំណើរការចង្វាក់ផលិតកម្មនានា។ និស្សិតទាំង ៣ជំនាន់
បានចាប់អារម្មណ៍យ៉ាងខ្លាំង ពីដំណើរការចង្វាក់ផលិតកម្មនីមួយៗ ជាអ្វីដែលពួកគេកំពុងសិក្សា។
និស្សិតទាំង ៣ជំនាន់
ដែលបានមកទស្សនកិច្ចនៅទីនេះ
បានមានឱកាសក្នុងការប្រើប្រាស់នូវសម្ភារមួយចំនួនសម្រាប់ផ្សាយក្នុងបន្ទប់ផ្សាយផ្ទាល់។
ម៉្យាងវិញទៀត និស្សិតមួយចំនួន ក៏បានថតរូបលេង ជាមួយកម្មវិធីនានា
ក្នុងស្ថានីយនេះផងដែរ។
បើនិយាយពីទូរទស្សន៍ PNNវិញ មើលពីខាងក្រៅមានលក្ខណៈសាមញ្ញ ប៉ុន្តែសម្រាប់ផ្នែកខាងក្នុង
គឺខុសពីការគិត និងឃើញនូវរូបរាងខាងក្រៅ។ ក្នុងបន្ទប់នីមួយៗ
មានឧបករណ៍យ៉ាងច្រើន ដើម្បីផលិត និងផ្សាយ ដែលពោរពេញទៅដោយសម្ភារទំនើបៗ
និងស្ដង់ដា។ ទន្ទឹមនឹងនេះ ការសិក្សាទ្រឹស្ដីនៅក្នុងថ្នាក់
វាមិនគ្រប់គ្រាន់ទេ តែការធ្វើដំណើរទស្សនកិច្ចមកកាន់ស្ថានីយបែបនេះ
និងឃើញនូវអ្វីៗជាក់ស្ដែង បានធ្វើឲ្យនិស្សិតមានទំនុកចិត្ត និងជឿជាក់ទៅលើអ្វីដែលពួកគេកំពុងសិក្សា
ពិសេសក្ដីស្រម៉ៃដែលមានតាំងពីកុមារភាពផងដែរ៕
កញ្ញា ញឹក ស្រីល័ក្ខ និស្សិតឆ្នាំទី៣
នៃមហាវិទ្យាល័យព័ត៌មាន និងគមនាគមន៍ និងលោក ប៉ែន បូណា និពន្ធនាយកនៃទូរទស្សន៍ PNN។
និស្សិតទាំង៣ ជំនាន់
សិក្សានៅមហាវិទ្យាល័យព័ត៌មាន និងគមនាគមន៍ នៃសាកលវិទ្យាល័យកម្ពុជា
ទស្សនកិច្ចនៅស្ថានីយទូរទស្សន៍ PNN។
និស្សិតទាំង៣ ជំនាន់
សិក្សានៅមហាវិទ្យាល័យព័ត៌មាន និងគមនាគមន៍ នៃសាកលវិទ្យាល័យកម្ពុជា
ទស្សនកិច្ចនៅស្ថានីយទូរទស្សន៍ PNN។
ដោយ៖
ញឹក ស្រីល័ក្ខ
Comments
Post a Comment