កាលពីថ្ងៃទី០២ ខែកក្កដា ឆ្នាំ២០១៦កន្លងទៅ និស្សិតផ្នែកព័ត៌មាន និងគមនាគមន៍ នៃសាកលវិទ្យាល័យកម្ពុជា បានចូលរួមសិក្ខាសាលាស្ដីអំពីជំនាញសិក្សាដើម្បីអភិវឌ្ឍ ក្លាយជាអ្នកកែអត្ថបទព័ត៌មានតាមវេបសាយ។ លោក លាង ផាន់ណារ៉ា ជាអ្នកកែអត្ថបទព័ត៌មានរបស់ស្ថាប័នព៏ត៌មានភ្នំពេញប៉ុស្តិ នៅអគារ Icon។
ក្នុងសិក្ខាសាលានេះនិស្សិតទាំងអស់
ដែលបានចូលរួមសិក្ខាសាលា បានយល់ពីការធ្វើបទបង្ហាញរបស់វាគ្មិន ទាក់ទងនឹងការធ្វើព័ត៌មានផ្សេងៗ
រួមទាំងព័ត៌មានស៊ើបអង្កេតផងដែរ។ លោក លាង ផាន់ណារ៉ា បានចែករំលែកបទពិសោធន៍ក្នុងការសិក្សា
និងការងារ ដែលឈានមកក្លាយជាអ្នកកែអត្ថបទព័ត៌មានផងដែរ។ អ្នកកែអត្ថបទព័ត៌មានរូបនេះ
បានបន្ថែមទៀតថា ការសរសេរព័ត៌មានបែបស៊ើបអង្កេត ទាក់ទងអំពីករណីព្រៃឈើជាដើម
ទាមទារឲ្យយើងចុះក្នុងព្រៃផ្ទាល់ជាមួយអ្នកកាប់ឈើ។
លោក លាង ផាន់ណារ៉ា បានបញ្ជាក់បន្ថែម
ពីការក្លាយជាអ្នកកែអត្ថបទគឺទាមទារឲ្យយើងយល់ពីប្រធានបទ និងចេះសរសេរអត្ថបទ
ស្ទើរគ្រប់រឿង ត្រូវចេះស្វែងយល់ និងអាចច្រើន។ លោក លាង ផាន់ណារ៉ា ក៏ជាអ្នកកាន់ទំព័រហ្វេសប៊ុកផ្ទាល់របស់ភ្នំពេញប៉ុស្តិផងដែរ
ដើម្បីឲ្យមានអ្នកចូលអានអត្ថបទច្រើន។ ទន្ទឹមគ្នានេះ លោកគ្រោងមានគម្រោងបង្កើតព័ត៌មានទាក់ទងវិស័យទេសចរណ៍
នៅក្នុងតំបន់ប្លែកៗក្នុងព្រះរាជាណាចក្រកម្ពុជា។
ជាមួយគ្នានេះដែរ និស្សិតដែលបានចូលរួមភាគច្រើន
ហាក់មានការចាប់អារម្មណ៍ទៅលើការបកស្រាយ និងពន្យល់របស់វាគ្មិនវ័យក្មេងរូបនេះ
ដែលបានចែករំលែកនិងពន្យល់ពីការធ្វើព័ត៌មាន ប្រកបដោយក្រមសីលធម៌ និងវិជ្ជាជីវ
ហើយអព្យាក្រឹត្យ ដោយមានភាពជឿជាក់៕
Comments
Post a Comment