ម៉ោងប្រមាណជា៨:០០នាទីព្រឹក បានចេញដំណើរពីសាកលវិទ្យាល័យកម្ពុជា ទៅកាន់ស្ថានីយ៍ផ្សាយកណ្ដាលរបស់ទូរទស្សន៍អាស៊ីអាគ្នេយ៍ ដែលធ្វើដំណើរដោយរថយន្តរបស់សាកលវិទ្យាល័យកម្ពុជា ដឹកនាំដោយ លោកសាស្រ្តាចារ្យ អន សុភក្រ័
ព្រឹទ្ធបុរស មហាវិទ្យាល័យព័ត៌មាន និងគមនាគមន៍។
ក្រោយពីបានធ្វើដំណើរអស់រយៈពេល ៤០នាទីរួចមក និស្សិតដែលទស្សនកិច្ច បានទៅដល់ទីតាំងដោយសុវត្ថិភាព។លោកសាស្រ្តាចារ្យ អន សុភក្រ័
បានពន្យល់ពីការផ្សាយ ពីស្ថានីយ៍កណ្ដាលតាមរយៈខ្សែកាបអុបទិច។ជាមួយនឹងបង្គោលអង់តែនដែលកម្ពស់សរុប១២៥ម៉ែត្រ។ខ្សែសម្រាប់ផ្សាយវិទ្យុមានសភាពតូចដែលរុំព័ទ្ធដោយបំពុងពីក្រៅ
ចំណែកឯខ្សែសម្រាប់ផ្សាយទូរទស្សន៍មានសភាពធំ។សម្រាប់បន្ទប់ដែលមានឧបករណ៍ផ្សាយចេញ
ត្រូវការភាពត្រជាក់ខ្លាំង ដោយប្រើម៉ាស៊ីនត្រជាក់ និងទឹកផងដែរ។
ការធ្វើទស្សនកិច្ចនៅទីនោះ ធ្វើឲ្យនិស្សិតយល់កាន់តែពីការត្រួតពិនិត្យការផ្សាយរបស់ស្ថានីយ៍
និងពីការជួសជុសប្រព័ន្ធផ្សេងៗនៅពេលដែលមានបញ្ហា ហើយនឹងមានបុគ្គលិកឡើងទៅជួសជុសនៅទីនោះ
ដែលចំណាយពេលយូរផងដែរ៕
Comments
Post a Comment